Թուրքիայում 304 զինվորականի կալանավորման օրդեր են տվել ընդդիմադիր քարոզիչ Ֆեթուլլահ Գյուլենի հետ կապերի համար, հաղորդում է Anadolu-ն:
Նշվում է, որ օպերացիան անցկացվել է Թուրքիայի 50 նահանգներում, 198 մարդ արդեն ձերբակալվել է:
Թուրքիայի իշխանությունները Գյուլենի կազմակերպությանը, որը նրանք անվանում են FETO (ֆեթուլլահականների ահաբեկչական կազմակերպություն), մեղադրում են 2016 թվականի հուլիսին պետական հեղաշրջման փորձին մասնակցելու մեջ: Խռովությունից հետո Թուրքիայում կալանավորվել է ավելի քան 80 հազար մարդ, ազատվել կամ աշխատանքից հեռացվել են մոտ 150 հազար պետական ծառայողներ, այդ թվում՝ զինվորականներ: Ինքը՝ Գյուլենը, որը բնակվում է ԱՄՆ-ում, դատապարտել է հեղաշրջման փորձը եւ մեղադրանքները հերքել:
