News
Լրահոս
News
Երեքշաբթի
Հոկտեմբեր 19
Տեսնել լրահոսը

Ադրբեջանը ոչ թե հաղթեց, այլ վիշապի ատամներ ցանեց: Այս մասին NSN-ին հայտարարել է ԱՊՀ գործերով, եվրասիական ինտեգրման եւ հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը:

«Բաքվի շքերթից պարզ է դառնում, թե ում դաշնակիցն է իրականում Ադրբեջանը: Այս միության փաստն ավելի վաղ էր ապացուցվել եւ դրսեւորվել շատ առումներով: Մասնավորապես, Բաքուն եւ Անկարան համակարգում են քաղաքականությունը Կովկասում եւ միասին են գործում: Մոսկվայում հայտարարություններ էին հնչեցվում, որ Ադրբեջանը եւ Հայաստանը հավասարապես մոտ են Ռուսաստանին: Իրականում երկրի բարձրագույն ղեկավարությունը հասկանում է այս երկրների տարբերությունը, սակայն քարոզիչները եւ թարգմանիչները միշտ չէ, որ հասկանում էին դա»,- ասել է նա:

Նրա խոսքով` Ադրբեջանը ոչ թե հաղթել, այլ վիշապի ատամներ է ցանել: «Ադրբեջանը զգաստացրեց Ռուսաստանին, ատելության ալիք առաջացրեց իր նկատմամբ Հայաստանի եւ դրան կարեկցող պետությունների կողմից: Իզուր չէ, որ Ֆրանսիայում եւ Նիդեռլանդներում  հայտարարություններ են ընդունվում: Այս «հաղթանակը» կարող է բումերանգով վերադառնալ Թուրքիային: Օրինակ` 1974 թվականից ի վեր այն օկուպացնում է Հյուսիսային Կիպրոսը: Էրդողանը քննադատում էր ղարաբաղյան կարգավորման գործընթացը` երկար ձգձգվելու համար: Իսկ որքա՞ն է ձգվում Կիպրոսը. 20 տարուց ավել»,- հիշեցրել է Զատուլինը:

Պատգամավորը կարծում է, որ այսուհետ Ռուսաստանին անհրաժեշտ է ակտիվացնել իր քաղաքականությունը Կովկասում: «Միայն Ռուսաստանի դիրքորոշումը թույլ չտվեց, որպեսզի Ադրբեջանի հարձակումը տարածվի Հայաստան: Չնայած առանձին դրվագներ եղան, այդ թվում` խոցված ռուսական ուղղաթիռը Հայաստանի տարածքում: Այս ամենը թույլ է տալիս ասել, որ Ռուսաստանի խաղաղապահ օպերացիան այլընտրանք չունի, իսկ Ռուսաստանի ներկայությունը Կովկասում պետք է ամրապնդել: Անհրաժեշտ է ռազմավարական առումով Ադրբեջանին որպես խնդրահարույց երկիր դիտարկել»,- նշել է խորհրդարանականը:

Բացի այդ, Զատուլինը գնահատել է նաեւ Ալիեւի խոսքերը Հայաստանում պատմականորեն ադրբեջանական հողերի մասին: «Ցանկացած վերլուծության մեջ սա չսքողված տարածքային պահանջ է: Սա առաջին դեպքը չէ, երբ Ադրբեջանն անհիմն կերպով յուրացնում է բնակեցման պատմությունն այս հողերում: Իրականում ադրբեջանցիների նախնիներն հայտնվել են այնտեղ XII դարում, սակայն հայկական պատմական հուշարձանները դրանից առաջ էլ են եղել Ղարաբաղում: Այնուամենայնիվ, Բաքուն դրանք ալբանական է անվանում»,- պատմել է պատգամավորը:

Պատգամավորը քննադատության է ենթարկել նաեւ Էրդողանի` «խելքը գլուխը հավաքելու» կոչը Հայաստանին: «Սա հերթական պարծենկոտությունն է Թուրքիայի ղեկավարի կողմից: Այն կանխամտածված զայրացնում է Հայաստանին եւ շոյում է իր էգոն: Նույնն անում է Ալիեւը: Դրանք ցուցադրաբար արհամարհում են իրենց ճանապարհին հայտնված ժողովրդի զգացմունքները»,- կարծում է նա:

Զատուլինը պատմել է` արդյո՞ք Մոսկվան պետք է ավելի հստակ հայտարարի Հայաստանի պաշտպանության մասին: «Ռուսաստանն արդեն հայտարարել է այս մասում, դա բխում է  համագործակցությունից ՀԱՊԿ շրջանակներում: Այլ հարց է, որ այսօր խոսքը ոչ միայն Հայաստանի, այլ նաեւ Լեռնային Ղարաբաղի մասին: Մոսկվան պետք է հիշի իր պարտավորությունների մասին ոչ թե Հայաստանի, այլ ամբողջ հայ ժողովրդի առջեւ»,- եզրափակել է նա:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Քարտեզի տակ պետք է լինի իրավական հիմք. հիմա այդ իրավական հիմքերի վրա ենք աշխատում. Մհեր Գրիգորյան
Կոնկրետացված տարբերակներ չկան, երկաթգծի հետ կապված խնդիրը մի քիչ ավելի պարզ է, որովհետեւ վերականգնողական տրամաբանության մեջ է լինելու...
Ի՞նչ իրավական հիմքով են ապաշրջափակվելու հաղորդակցությունները. ՀՀ փոխվարչապետի պարզաբանումը
«Հայաստանի առաջնահերթությունները կապված են բոլոր ուղղություններով հաղորդակցությունների ապաշրջափակման հետ...
Մհեր Գրիգորյան. Եռակողմ խումբը որոշակի պատկերացումներ է կազմել երկաթուղու մասով
Մենք պետք է քննարկենք ավտոճանապարհների հետ կապված հարցեր, ասել է փոխվարչապետը...
ՀՀ փոխվարչապետը հոկտեմբերի 20-ին կմասնակցի ՌԴ եւ ԱՀ փոխվարչապետների հետ եռակողմ հանդիպմանը
«Օրակարգը չի փոխվել...
Անվտանգության մեծ խնդիրներ ունենք, մեր երկրի ղեկավարն ասում ա՝ մեր հողերը թուրքինն ա. գորիսեցի
Դա գնացեք էն տրյապկին ասեք, կառավարիչին: Մեզ ինչի՞ եք ասում, մենք էստեղ ենք, մենք պաշտպանվելու ենք…
Ալբերտ Հովհաննիսյանին շնորհվել է «Արցախի հերոս» կոչումը
Ալբե՛րտս, տղե՛ս, որպես քո հայր՝ քո տեսակով ու քեզնով հպարտանալու հազար առիթ եմ ունեցել…
Ամենաշատ