ՀՀ կրթության, գիտության, մշակույթի և սպորտի նախարարի տեղակալ Նարինե Խաչատուրյանը (Թուխիկյան) վարչապետի որոշմամբ ազատվել է զբաղեցրած պաշտոնից։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝
Նարինե Խաչատուրյանին ազատել կրթության, գիտության, մշակույթի և սպորտի նախարարի տեղակալի պաշտոնից»,- ասված է վարչապետի որոշման մեջ։
Նշենք, որ նախօրեին փոխնախարարի մասնակցությամբ միջադեպ էր տեղի ունեցել Նկարիչների միությունում։ Ցուցահանդեսի ժամանակ, երբ լրագրողը փորձել է փոխնախարարից հարցազրույց վերցնել, մշակույթի ոլորտից մի կին էր մոտեցել եւ սկսել վիրավորել՝ նրան անվանելով դավաճանած իշխանության ներկայացուցիչ։
Սա հողերը հանձնած դավաճան իշխանության ներկայացուցիչ է. քաղաքացին՝ ԿԳՄՍ փոխնախարարին. yerkir.am