ՌԴ պաշտպանության նախարար Սերգեյ Շոյգուն Հայաստանի պաշտպանության նախարար Վաղարշակ Հարությունյանի հետ հեռախոսով քննարկել է Լեռնային Ղարաբաղում իրավիճակի կարգավորման հարցը: Այս մասին այսօր հայտնել են Ռուսաստանի պաշտպանության նախարարությունից, փոխանցում է ՏԱՍՍ-ը:
«Չորեքշաբթի կայացել է Ռուսաստանի Դաշնության պաշտպանության նախարար, բանակի գեներալ Շոյգուի հեռախոսային զրույցը Հայաստանի Հանրապետության պաշտպանության նախարար Հարությունյանի հետ: Պաշտպանական գերատեսչությունների ղեկավարները քննարկել են իրավիճակը՝ կապված Լեռնային Ղարաբաղում կարգավորման հետ, ինչպես նաեւ փոխադարձ հետաքրքրություն ներկայացնող այլ հարցեր»,- նշված է հաղորդագրության մեջ:
Զրույցը տեղի է ունեցել ապրիլի 7-ին Մոսկվայում նախատեսված ՌԴ նախագահ Վլադիմիր Պուտինի եւ Հայաստանի վարչապետ Նիկոլ Փաշինյանի բանակցությունների նախաշեմին:
Ավելի վաղ հաղորդվել էր, որ Պուտինն ու Փաշինյանը չորեքշաբթի Մոսկվայում անցկացնելու են բանակցություններ, որի ժամանակ քննարկվելու են Լեռնային Ղարաբաղում իրավիճակը եւ ռուս-հայկական ռազմավարական գործընկերության զարգացումը:
