News
Լրահոս
News
Շաբաթ
Հոկտեմբեր 16
Տեսնել լրահոսը

Լոռու մարզպետարանում Օձունի համայնքապետ Արսեն Տիտանյանին ծեծի ենթարկելու դեպքի առթիվ ՀՔԾ–ում հարուցված քրեական գործի վարույթը ժամանակավորապես կասեցվել է։ Այս մասին NEWS.am-ի հետ զրույցում ասաց փաստաբան Միքայել Շխիմյանը։

«Գործի ժամանակավոր կասեցման հիմքն այն է եղել, որ չի պարզվել անձը, ով ենթակա է քրեական պատասխանատվության։  Ըստ էության գործի քննությունը շարունակվում է, քննիչը  հենց այդպես էլ որոշման մեջ արձանագրել է։ Նշել է, որ այդ գործողություները հնարավոր է նաեւ կասեցված եղանակով կատարել։  Հանձնարարություն է ներկայացրել ինչ–որ տեղեկություններ պարզելու նպատակով, որից տեղյակ չենք  եւ գործի վարույթը ժամանակավորապես կասեցվել է։ Այսինքն՝ եղածի պայմաններում չի հաստատվել  մարզպետարանի աշխատակիցների կողմից նշված արարք կատարելը։ Գյուղապետը հաղորդում է ներկայացրել, ստուգվել է դրա մեջ նշված տեղեկությունները, նաեւ ցուցմունք էին տվել, սակայն չի հաստատվել, բայց քրեական հետապնդում չիրականացնելու վերաբերյալ ինչ–որ որոշում չկա էդ անձանց հետ կապված»,– ասաց փաստաբանը՝ նշելով, որ մինչեւ հանձնարարության պատասխանի լինելը, գործի վարույթը կմնա կասեցված։

Հիշեցնենք, որ խորհրդարանական ընտրություններից հետո, Օձունի համայնքապետին մարզպետ Արամ Խաչատրյանը մարզպետարանում  պահանջել նրա հրաժարականը, սակայն Տիտանյանը հրաժարվել էր  կատարել մարզպետի պահանջը, ինչից հետո էլ մոտ 10 հոգով, այդ թվում՝ մարզպետը, ծեծի են ենթարկել Օձունի համայնքապետին։

Գործով Արսեն Տիտանյանը տուժող է ճանաչվել, բայց մեղադրյալ չկա։

Փաստաբան Միքայել Շխիմյանն ասաց, որ մարզպետարանի մի քանի աշխատակիցներ  վկա–կասկածյալի կարգավիճակով հարցաքննվել են։ 

«Մարզպետարանի տեսախցիկները առգրավվել էին, ուղարկել փորձագետին եւ պարզվել էր, որ դրանց մեջ բացակայում են կոշտ սկավառակները։ Մարզպետարանի աշխատակիցներն էլ ասել էին, որ տեղեկություն չունեն դեպքի վերաբերյալ։ Առերեսում չի եղել, մենք պատրաստ էինք առերեսմանը մասնակցել, բայց հակառակ կողմը հրաժարվել է, դրա համար էլ ենթադրում եմ, որ նրանք վկա–կասկածյալի կարգավիճակ են ունեցել, հակառակ դեպքում առերեսումից չէին կարող հրաժարվել»,– հավելեց փաստաբանը։

Տպել
Կարդացեք նաև
Ամբողջը
«Բելաջիո» ռեստորանի դիմաց իրար են բախվել «ГАЗ 3110»-ն ու «Toyota Corolla»-ն. վարորդներից մեկը տեղափոխվել է հիվանդանոց
Նա մարմնական վնասվածքներով տեղափոխվել է Հերացու անվան թիվ 1 համալսարանական հիվանդանոց…
Գեղարքունիքում բախվել են Opel-ն ու Mercedes-ը. վերջինս շրջվել է և հայտնվել դաշտում, կա 3 վիրավոր
Վթարի հետևանքով 3 հոգի մարմնական վնասվածքներով տեղափոխվել են «Սևան» բժշկական կենտրոն...
Մենուա Հովսեփյանը 30 միլիոն դրամ գրավի դիմաց ազատ արձակվեց (ֆոտո)
Րոպեներ առաջ Գորիսի համայնքապետի տեղակալ…
Գողացել են ջեռուցման կաթսան, մարտկոցներն ու հեռուստացույցը. թալանել են ՀՅԴ Սեւանի կոմիտեության գրասենյակը
Թալանել են ՀՅԴ Սեւանի կոմիտեության գրասենյակը…
Թելման Իսմայիլովը մտադիր է քաղաքական ապաստան խնդրել Չեռնոգորիայում
«Նա ներգրավված չէ որեւէ հանցագործության մեջ եւ չի ընդունում իր մեղքն իրեն վերագրվող որեւէ արարքի մեջ...
Վանաձոր համայնքի նախկին ղեկավարի կողմից կատարված չարաշահումների գործով նախաքննությունն ավարտվել է
Քննությամբ փաստական տվյալներ են ձեռք բերվել այն մասին, որ Վանաձոր համայնքի ղեկավարը, 1999-2016թթ. ընթացքում...
Ամենաշատ