Իրանում սահմանվել են ցենզուրայի նոր սահմանափակումներ, որոնց շրջանակում կարգելվի կանանց ցուցադրումը, որոնք ուտում են պիցցա կամ սենդվիչներ, ըմպում են կարմիր գույն ունեցող ընպելիքներ կամ կրում են կաշվե ձեռնոցներ: Առանձին քննարկվել է նաեւ տան պայմաններում մարդկանց նկարահանումը, ինչպես նաեւ տեսարանները, որտեղ տղամարդը թեյ է լցնում կնոջը, հաղորդում է IranWire հարթակը:
Նոր արգելքների մասին հայտարարել է Իրանի հեռուստառադիոհաղորդակցական կորպորացիայի PR-տնօրեն Ամիր Հուսեյն Շամշադին: Առաջադրված խնդիրներից է նաեւ հեռուստաեթերում «անբարո տեսարանների» բացակայության հսկողությունը:
Ընդ որում՝ պարբերականը նշում է, որ այդ իրադարձությունը տեղի է ունեցել այն պատճառով վրդովմունքի ֆոնին, որ ցենզորները համացանցում հայտնի Pishgoo թոք շոուի եթերներից մեկում փակել էին հրավիրյալ դերասանուհու դեմքը, ինչի արդյունքում տեսանյութում մնացել էր միայն ձայնը: