Williamson Pink Star հազվագյուտ ադամանդը Հոնկոնգի Sotheby's աճուրդում 57,7 միլիոն դոլարով է վաճառվել:
Աճուրդի տան կայքում նշվում է, որ լոտը վաճառվել է 453 223 000 հոնկոնգյան դոլարով (ավելի քան 57,7 մլն դոլար):
Նշվում է, որ ադամանդի քաշն ինքնին 11,15 կարատ է, այն պատված է ավելի փոքր չափի ադամանդներով եւ գտնվում է վարդագույն ու սպիտակ ոսկուց օղակի մեջ։
Ըստ կայքի՝ Williamson Pink Star-ը աշխարհի ամենահազվագյուտ թանկարժեք քարերից է, քանի որ մեծ վարդագույն ադամանդները, հատկապես երբ տարբերվում են գույնի հագեցածությամբ, չափազանց հազվադեպ են հանդիպում:
