Լյուքսեմբուրգի ԱԳ նախարար Ժան Ասելբորնը հայտնել է, որ Եվրամիության ԱԳ նախարարները քննարկում են Իրանի դեմ պատժամիջոցների չորրորդ փաթեթը։
Պատժամիջոցների ցուցակում կարող է ընդգրկվել ավելի քան 50 ֆիզիկական եւ մի քանի իրավաբանական անձ, մասնավորապես սեւ ցուցակում կհայտնվեն ՝ Իրանի զինված ուժերի էլիտար ստորաբաժանումների՝ Իսլամական հեղափոխության պահապանների կորպուսի (ԻՀՊԿ) անդամները, նշել է Ասելբորնը։
Ավելի վաղ Ասելբորնը պնդում էր, որ Եվրամիությունը չի կարող ԻՀՊԿ-ին ներառել ահաբեկչական կազմակերպությունների ցուցակում, քանի դեռ դաշինքի երկրներից գոնե մեկի դատարանը չհաստատի, որ այն ահաբեկչություն է կատարել Եվրոպայի տարածքում։
Եվրահանձնաժողովի ղեկավար Ուրսուլա ֆոն դեր Լյայենն արդեն կողմ է արտահայտվել ԻՀՊԿ-ն ահաբեկչական կազմակերպությունների ցուցակում ներառելուն։