«Ինդոնեզիայի միսս տիեզերք» գեղեցկության մրցույթի մի քանի թեկնածուներ բողոքներ են ներկայացրել ոստիկանություն՝ կազմակերպիչներին մեղադրելով սեռական ոտնձգությունների մեջ, հայտնում է BBC-ն։
Նրանց փաստաբաններից մեկի խոսքով՝ եզրափակիչից երկու օր առաջ՝ օգոստոսի 3-ին, մրցույթի մասնակիցներին խնդրել են հանել վերնազգեստը՝ «մարմնակառուցվածքի ստուգման» և լուսանկարելու համար։
Կազմակերպիչները, իբր, ասել են կանանց, որ իրենք պետք է «ուսումնասիրեն նրանց մարմնի վրա առկա ցանկացած սպի, ցելյուլիտ կամ դաջվածք»։
Մայրաքաղաք Ջակարտայի ոստիկանությունը հայտարարություն է տարածել, որում ասվում է, որ կշարունակեն հետաքննությունը: «Ինդոնեզիայի միսս տիեզերք» կազմակերպությունը կհետաքննի մեղադրանքները, ասվում է դրա սեփականատեր հայտնի Փոփի Կապելայի հայտարարության մեջ: «Միսս տիեզերք» համաշխարհային կազմակերպությունը նաև հայտարարել է, որ ուսումնասիրում է այդ հարցը և որ «շատ լուրջ» է վերաբերվում սեռական ոտնձգությունների վերաբերյալ մեղադրանքներին:
