Ֆրանսիայի նախագահ Նիկոլա Սարկոզին հանձնարարել է երկրի կառավարությանը ցեղասպանությունների վերաբերյալ նոր օրինագծի տեքստ պատրաստել, հաշվի առնելով Սահմանադրական խորհրդի որոշումը` գրաքննել ցեղասպանությունների ժխտումը քրեականացնող օրենքը: Այս մասին հայտնել է Ելիսեյան պալատը, գրում է ֆրանսիական «Le Figaro»-ն:

Սարկոզիի հայտարարության համաձայն, «նախագահն ի գիտություն է ընդունել որոշումը» եւ «գնահատել բոլոր նրանց հիասթափությունն ու խորը ցավը, ովքեր երախտագիտությամբ եւ հույսով էին արձագանքել այդ օրենքի ընդունմանը, որն ուղղված էր ժխտումից իրենց պաշտպանությանը»: Սարկոզին «հանձնարարել է կառավարությանը նոր տեքստ պատրաստել, հաշվի առնելով Սահմանադրական խորհրդի որոշումը»: