նախընտրելի դարձնելՀոլիվուդյան հայտնի աստղ Ջորջ Քլունին, այսօր` մարտի 16-ին, կալանավորվել է Վաշինգտոնում` Սուդանի դեսպանատան մոտ բողոքի ակցիայի ժամանակ:
Ինչպես հաղորդում է Associated Press-ը, դերասանը մասնակցել է պիկետին` Սուդանի նախագահ Օմար ալ Բաշիրի քաղաքականության դեմ բողոք հայտնելու նպատակով: Միջոցառման մասնակիցներն ալ Բաշիրին մեղադրել են երկրում հումանիտար ճգնաժամ ստեղծելու եւ երկրի հարավային մասի բնակիչներին պարենից զրկելու համար:
Քլունիի հետ միասին ձերբակալվել է նաեւ նրա հայրը` Նիկ Քլունին, կոնգրեսական Ջիմ Մորանը եւ NAACP-ի նախագահ Բենջամին Ջելոսը: Ձերբակալման պատճառը եղել է նրանց կողմից ոստիկանական արգելափակոցներն անցնելը:
Միաժամանակ հաղորդվում է, որ ակցիայից երկու օր առաջ Քլունին հանդես էր եկել սենատորների առջեւ Սուդանի իրավիճակի վերաբերյալ զեկույցով: Դերասանի խոսքով, ով վերջերս է վերադարձել Հարավային Կորդոֆանից, Սուդանի հարավում մարդիկ ահավոր պայմաններում են բնակվում, նրանց տները ավերվել են ռմբակոծությունից: «Սուդանի կառավարությունը ագրեսիա է իրականացրել Դարֆուրում: Նրանք ռմբակոծել են նույնիսկ ոչ ռազմական նպատակով, խոսքը անմեղ մարդկանց մասին է»,- Քլունիին մեջբերել է «Մոսկովսկի կոմսոմոլեցը»:
