Շանհայի համագործակցության կազմակերպությունում նախագահությունը Ղրղզստանից անցնում է Պակիստանին, հայտնել է Ղրղզստանի արտաքին գործերի նախարար Ժեենբեկ Կուլուբաևը։

«Այսօր ՇՀԿ-ում նախագահությունն անցնում է Պակիստանի Իսլամական Հանրապետությանը։ Շնորհավորում ենք պակիստանցի գործընկերներին և մաղթում նրանց հաջող նախագահություն։ Ղրղզստանի Հանրապետությունը պատրաստ է ցուցաբերել անհրաժեշտ աջակցություն, ապահովել շարունակականությունն ու համատեղելիությունը մյուս անդամ պետությունների հետ, շարունակել Բիշքեկում ընդունված որոշումների իրականացումը»,- հայտարարել է նախարարը Բիշքեկում կայացած ՇՀԿ և ՇՀԿ+ գագաթնաժողովի արդյունքներով։