նախընտրելի դարձնելՀայաստանի Ազգային ժողովի քննարկմանն է ներկայացվել 2012 թվականին մինչեւ 320 մլն խմ Սեւանից ոռոգման ջրի բացթողման ծավալը մեծացնելու օրինագիծը:
Ըստ գործող օրենսդրության` առավելագույն ծավալը կազմում է 170մլն խմ:
Ըստ Հայաստանի ջրային տնտեսության պետհանձնաժողովի գնահատման` այս տարի ձմեռային ջրերը շատ վաղ են հալել, ինչի հետեւանքով էլ ներծծվել են հողի մեջ եւ չեն լցվել գետերը: Ոչ բավարար քանակությամբ ջուր կա նաեւ Ապարանի եւ Ազատի ոռոգիչ ջրամբարներում:
«Կարծում եմ, որ դա հետեւանքներ չի ունենա ոչ լճի, ոչ էլ Սեւան-Հրազդան ՋԷԿ-ի համար», – NEWS.am-ի թղթակցին հայտնեց Հայաստանի ջրային տնտեսության պետհանձնաժողովի ղեկավար Անդրանիկ Անդրեասյանը, հավելելով, որ ներկայումս Սեւանի ջրի մակարդակը 34 սմ-ով բարձր է, քան տարվա սկզբին: «Թե ինչպիսին կլինի լճի ջրի մակարդակը տարեվերջին, մենք դեռեւս դժվարանում ենք պատասխանել», – ասաց Ա. Անդրեասյանը:
Ներկայումս Սեւանի ջրի մակարդակը կազմում է 1900,48 մ:
