Նախընտրելի
ՄԱԿ-ում սեպտեմբերի 21-ին ավանդաբար նշում են խաղաղության միջազգային օրը: Այս տարվա թեման է «Կայուն խաղաղություն` հանուն կայուն ապագայի»:
ՄԱԿ-ի գլխավոր քարտուղար Պան Գի Մունը հայտարարել է, որ հենց խաղաղությունն է մարդկության հրատապ պահանջը, ապահով ապագայի երաշխիքը բոլորի համար:
«Նախքան սեպտեմբերի 21-ը ես յուրաքանչյուրին կոչ եմ անում խորհել`ինչ ավանդ կարող է ներդնել: Եկեք բոլորս ձգտենք, որ «Ռիոյից տանող ճանապարհը մեզ հասցնի կայուն զարգացման, ամուր խաղաղության բոլորի համար», - ասված է գլխավոր քարտուղարի ուղերձում:
«Այսօր մեծանում է այն գիտակցուmը, որ աշխարհը կգոյատեւի միայն եթե զարգանա` առանց եղած պաշարները սպառելու եւ շրջակա միջավայրը ավերելու: Հունիսին Ռիո դե Ժանեյրոյի Կայուն զարգացման համաժողովում համաշխարհային առաջնորդները, քաղաքացիական հանրության, բիզնեսի եւ տեղական իշխանությունների ներկայացուցիչները հաստատել են կայուն զարգացման ուղին: Սակայն դա իրականացնել կարելի է միայն կայուն, երկարատեւ խաղաղության պայմաններում:
Բացի դրանից, շատ կոնֆլիկտների պատճառ է դառնում բնական թանկարժեք պաշարների համար պայքարը, ինչպիսիք են ալմաստը, ոսկին, նավթը, փայտը, ջուրը: Նրանց արդյունավետ վերահսկումը եւ բնական հարստությունների ռացիոնալ կիրառումը լարված իրադրություններում կայունության վերականգնման առանցքային պայմանն է», - հայտնում է ՄԱԿ ռադիոն:
