նախընտրելի դարձնել«Նուբարաշեն» քրեակատարողական հիմնարկում ցմահ ազատազրկման դատապարտված կալանավոր Արտակ Ճաղարյանը սեպտեմբերի 18-ից հայտարարել է անժամկետ հացադուլ: Ներկա պահին բժիշկները նրա առողջական վիճակը գնահատում են բավարար: Այս մասին NEWS.am-ի թղթակցի հետ զրույցում ասաց ՀՀ քրեակատարողական վարչության մամուլի քարտուղար Գոռ Ղլեչյանը:«Նա բժիշկների հսկողության տակ է եւ գտնվում է առանձին խցում: Նա բողոքում է իր քրեական գործից»,- ավելացրեց Գոռ Ղլեչյանը:
Արտակ Ճաղարյանը դատապարտվել է 2009թ-ին: Նա դատապարտվել է 175-ի 3-դ մասի 1-ին կետով`ավազակությունը, որը կատարվել է` առանձնապես խոշոր չափերով գույք հափշտակելու նպատակով եւ 104 հոդվածի 2-րդ մասի 3-րդ, 5-րդ, 7-րդ, 8-րդ կետերով` սպանություն զուգորդված` մարդուն առեւանգելով կամ պատանդ վերցնելով,առանձին դաժանությամբ, մի խումբ անձանց կամ կազմակերպված խմբի կողմից, շահադիտական դրդումներով, պատվերով, ինչպես նաեւ զուգորդված` շորթմամբ, ավազակությամբ կամ բանդիտիզմով:
