նախընտրելի դարձնել
Ղազախստանի նոր վարչապետ է դարձել Սերիկ Ահմատովը: Նրա թեկնածության օգտին քվեարկել են երկրի խորհրդարանի պատգամավորների մեծամասնությունը:
Ահմետովի թեկնածությունն առաջադրել է երկրի նախագահ Նուրսուլթան Նազարբաեւը: Երբ նրա թեկնածությանը սատարել էր իշխող «Նուր Օթան» կուսակցությունը, արդեն պարզ էր քվեարկության ճակատագիրը:
Նոր վարչապետը դեռեւս խորհրդային ժամանակներում զբաղեցրել է ղեկավար պաշտոններ, հայտնում է rbc-ն:
1990-ականների սկզբին կոմսոմոլների նախկին առաջնորդը բիզնեսով է զբաղվել, սակայն 1998 թվականին վերադարձել է վարչական աշխատանքին: Վերջին 14 տարիներին եղել է Տեմիրտաու քաղաքի ակիմ (քաղաքապետ), Աստանայի փոխքաղաքապետ, տրանսպորտի եւ կապի նախարար, Կարագանդայի մարզի ղեկավար: Ղազախստանի կառավարության փոխվարչապետ Ահմատովը դարձել է այս տարվա հունվարին:
Նախկին վարչապետ Մասիմովը հրաժարական է տվել սեպտեմբերի 24-ի առավոտյան: Նա ստանձնել է նախագահական աշխատակազմի ղեկավարի պաշտոնը: Քաղաքական այս գործիչը դիտվում է որպես նախագահի պաշտոնում Նազարբաեւի հնարավոր փոխարինող:
