նախընտրելի դարձնելՔրիստոնյաներին եւ հատկապես հույներին վիրավորող թուրքական ամոթալի «Ֆաթիհ 1453» ֆիլմը արգելվել է ցուցադրել Լիբանանում:
Թուրքական Radikal-ի փոխանցմամբ՝ «Ֆաթիհ 1453» ֆիլմը Լիբանան բերած Empire կինոընկերության տնօրեն Բասարան Լիդը հայտարարել է, թե ֆիլմը Լիբանանում չի ցուցադրվի, քանի որ ստացել են քրիստոնյա համայնքի քննադատությունը: Նա շեշտել է, թե ցանկացել է խնդրի լուծման հետ կապված խոսել եպիսկոպոսների հետ, սակայն հրաժարվել է այդ մտքից:
Նշենք, որ աշխարհի տարբեր քրիստոնեական համայնքներ քննադատել են քրիստոնյաների կոտորածը գովերգող թուրքական ամոթալի ֆիլմը՝ կոչ անելով բոյկոտել այն:
Քրիստոնյաների կոտորածը գովերգող ֆիլմի պրեմիերան տեղի է ունեցել 2012-ի փետրվարի 16-ին, 14:53-ին Թուրքիայում, Ռուսաստանում, Գերմանիայում, Հոլանդիայում, Ֆրանսիայում եւ այլ երկրներում:
Հիշեցնենք, որ թուրքերը Կոնստանդնուպոլիսը գրավել են 1453-ին եւ մի քանի օր թալանել, բռնաբարել եւ կոտորել քրիստոնյա բնակչությանը:
