Նախընտրելի
Փոթորկալից քամին եւ հորդառատ անձրեւները լուրջ վնասներ են հասցրել Աջարիային: Տարերային աղետը հատկապես հարվածել է Քոբուլեթիի շրջանին:
Ինչպես հաղորդում են տեղական իխանությունները, փոթորկի արդյունքում վնասվել են էլեկտրափոխանցման գծերը, տապալվել են սյուներ, որոշ վայրերում տեղի է ունեցել գազատար խողովակների վթար: Հանգստարանային Քոբուլեթի քաղաքում փոթորիկը պոկել է նաեւ բազմաթիվ տների տանիքներ, շրջել է ծառեր:
Աղետի վայրում են գտնվում Աջարիայի կառավարության ներկայացուցիչները, հաղորդում է «Գրուզիա օնլայնը»:
Ծովափնյա շրջանից բացի, տուժել են նաեւ Աջարիայի լեռնային շրջանները: Հորդառատ անձրեւների հետեւանքով սողանքներ են տեղի ունեցել Խելվաչաուրսի շրջանում: Վատ եղանակը շրջանում դեռեւս շարունակվում է:
