Շենգավիթում գտնվող «Մայամի» հյուրանոցից երեկ ոստիկանության բաժին են բերման ենթարկվել մի քանի աշխատակիցներ: NEWS.am-ի տեղեկություններով, Շենգավիթի բաժնի աշխատակիցները քրեական հետախուզության բաժնի աշխատակիցների հետ համատեղ պարզել են, որ տվյալ աշխատակիցները վերջին երեք տարիներին հյուրանոցից համարներ են տրամադրել մարմնավաճառներին՝ այդպիսով նպաստելով պոռնկության տարածմանը: Ոստիկանությունից NEWS.am-ին հայտնել են, որ նրանք ստորագրությամբ բաց են թողնվել: Կատարվում է քննություն: