նախընտրելի դարձնել
Դեկտեմբերի 21-ին` ժամը 16.00-ի դրությամբ, hանրապետության որոշ շրջաններում՝ Սեւանում, Աշոցքում, Ախուրյանում ձյուն է տեղում:
Տրանսպորտի եւ կապի նախարարությունից հայտնում են, թե Շենավան-Ապարան-Արագած, Արթիկ –Ալագյազ ճանապարհահատվածներում, Թալինում եւ Կապանում թանձր մառախուղի պատճառով տեսանելիության վատթարացում է գրանցվել։
Վարորդներին խորհուրդ է տրվում մեկնել Վանաձոր միայն Երեւան- Սեւան- Դիլիջան մայրուղով։
Անվտանգ երթեւեկությունն ապահովելու նպատակով ավտոճանապարհներին իրականացվում են մաքրման, աղով ու ավազով մշակման աշխատանքներ:
Միջպետական եւ հանրապետական նշանակության ավտոճանապարհներն ու լեռնանցքները բաց են:
ՀՀ տրանսպորտի եւ կապի նախարարությունը վարորդներին խորհուրդ է տալիս երթեւեկել ձմեռային անվադողերով:
