նախընտրելի դարձնելԴեկտեմբերի 14-ին ոստիկանության Մաշտոցի բաժին դիմած 29-ամյա կինը հայտնել էր, որ նախորդ օրը, ժամը 11.00-ի սահմաններում, սուպերմարկետներից մեկում, հաճախորդների համար նախատեսված պահարանից, գողացել են իր կատարած գնումներով պոլէթիլենային տոպրակը` պատճառելով 40 հազար դրամի նյութական վնաս:
Ոստիկանության Դավիթաշենի բաժանմունքի ծառայողները դեկտեմբերի 20-ին, ժամը 15.30-ին, Դավիթաշենի 4-րդ թաղամասի թիվ 10 շենքի մոտից, գողություն կատարելու կասկածանքով, բերման են ենթարկել Երեւան քաղաքի բնակչուհի, 1961 թ. ծնված Վարդուշ Ս.-ին:
Նա խոստովանել է, որ գողությունը կատարել է ինքը:
Դեկտեմբերի 14-ին, ժամը 21.30-ին, ոստիկանության Մաշտոցի բաժին էր դիմել նաեւ մեկ այլ քաղաքացուհի եւ հայտնել, որ նույն օրը, ժամը 19.40-ի սահմաններում, սուպերմարկետի հաճախորդների համար նախատեսված պահարանից գողացել են իր կատարած գնումներով պոլէթիլենային տոպրակը` պատճառելով 60 հազար դրամի նյութական վնաս:
Պարզվել է, որ այս գողությունը եւս կատարել է Վարդուշ Ս.-ն:
Գողոնն առգրավված է:
Նախաքննությունը շարունակվում է:
