Եթե ՀՅԴ-ն թեկնածու  չի առաջադրում նախագահական ընտրություններում, դա չի նշանակում, որ մի կողմ են քաշվելու այս ընտրական գործընթացներից: Այս մասին այսօր` դեկտեմբերի 26-ին հրավիրված ասուլիսին ասաց ՀՅԴ ԳՄ անդամ Արմեն Ռուստամյանը:

Նրա խոսքով, ընդհակառակը ավելի անաչառ եւ ավելի անկողմնակալ դիրքերից խնդիրներ են դնելու եւ պահանջելու են, որպեսզի ընտրություններին մասնակցողները հաշվի նստեն հասարակական այն պահանջների հետ, որը ներկայացված է իրենց յոթ կետերի շուրջ: Նրա նշեց, որ դա պետք է  դառնա ուղենիշ եւ ապագա նախագահը հաշվի նստի առաջարկների հետ:

Աղվան Վարդանյանն էլ ավելացրեց, որ այնպես չէ, որ ԳՄ ժողովին բոլորը  միակարծիք էին ընդունված որշման հետ, սակայն  գերակշիռ մասը կողմ է եղել այս որոշմանը: Նա նաեւ պարզաբանեց, թե ինչու են որոշել չմասնակցել ընտրություններին: Աղվան Վարդանյանը ընդգծեց, որ Հայաստանում ընտրությունները ստվերային են,  հնարավոր չեղավ միասնական ձեւավորված ճակատ ձեւավորել, ըտրությունների ելքը կանխորոշված էր: «Բացի այդ միայն ընտրությունների նախաշեմին չէ, որ քաղաքական ուժը կարող է իր դիրքորոշումը ներկայացնի: Իսկ, թե ինչու չբոյկոտեցինք ընտրությունները, ապա  դա իմաստ կունենար, եթե ընդհանուր ընդդիմադիր ուժերի բոյկոտ լիներ»,- ավելացրեց Աղվան Վարդանյանը:

Լուսանկարը՝  Արսեն Սարգսյանի/NEWS.am