Լրատվամիջոցները հայտնել են ԱՄՆ-ում նոր կրակոցների մանրամասները: Ոստիկանության տվյալներով` 15-ամյա դեռահասը, որը խլել է հինգ մարդու կյանք, կրակել է տարբեր տեսակի զենքերից, այդ թվում եւ ավտոմատից: Հարձակվողն օգտագործել է նաեւ գրոհային հրացան: Յուրաքանչյուր զոհի վրա նա կրակել է մի քանի անգամ:  

Զոհերի եւ մարդասպանի միջեւ կապը դեռ բացահայտված չէ: Հաստատվել է զոհերից մեկի`  Ալբուկերկեի հրշեջ մասի պետ  Գրեգ Գրեգոյի ինքնությունը, հաղորդում է ՆՏՎ-ն` վկայակոչելով  Reuters-ին:

Ըստ CNN հեռուստաալիքի` սպանության զոհ են դարձել տեղի հայտնի քահանան եւ նրա ազգականները: Ոստիկանապետ Դեն Հյուսթոնը հաղորդել է, որ 15 ամյա չափահասին, որը հնարավոր է եղած լինի գնդակահարված ընտանիքի անդամ, սպանության հոդվածով երկու, եւ երեխաների հանդեպ դաժան վերաբերմունքի ու մահացու սպառնալիքի ենթարկելու հոդվածով երեք մեղադրանք է ներկայացվել: Ներկա պահին մարդասպանին դատում են որպես անչափահասի, սակայն դատախազությունը կարող է որոշում ընդունել նրան դատի հանձնել որպես չափահասի, հատնել է BFM.RU-ն: 

Ինչպես ավելի վաղ հայտնել էր NEWS.am-ը, դեռահասը հունվարի 20-ի գիշերն ԱՄՆ Նյու Մեքսիկո նահանգի Ալբուկերկեի տանը  սպանել է երկու մեծահասակի եւ երեք երեխայի: