նախընտրելի դարձնելԿահիրեում բախումներ են տեղի ունենում կառավարող «Մահմեդական եղբայրներ» իսլամիստական շարժման կողմնակիցների եւ հակառակորդների միջեւ, հաղորդում է «Al-Ahram» թերթը:
Իսլամիստների հակառակորդները բողոքի ակցիա էին կազմակերպել Կահիրեում «Մահմեդական եղբայրների» գրասենյակի մոտ: Իրենց հերթին շարժման կողմնակիցները կենդանի օղակ են կազմել շենքի շուրջը:
Սակայն հետո ցուցարարները սկսել են քարեր նետել իրար վրա: «Մահմեդական եղբայրների» հակառակորդները կառավարող շարժմանը եւ նախագահ Մուհամեդ Մուրսիին մեղադրում են երկրում իշխանությունը ուզուրպացնելու, ինչպես նաեւ «հեղափոխության գաղափարները դավաճանելու» մեջ, հաղորդում է «Ինտերֆաքսը»:
