նախընտրելի դարձնելՀարավային Կորեայի զորքերը Հյուսիսային Կորեային սահմանակից տարածքում մարտի 27-ին մի քանի ժամով մարտական պատրաստականության են բերվել:
Հարավկորեացի սահմանապահը ռումբ է նետել սահմանային գոտում շարժվող «անհայտ առարկայի» վրա:
Ռենհապը հայտնում է, որ միջադեպը տեղի է ունեցել տեղի ժամանակով 2.30-ին, երբ հարավկորեացի սահմանապահը հերթապահում էր Հվանչհոնում` երկրի մայրաքաղաք Սեուլից 118 կմ հյուսիս-արեւելք գտնվող սահմանապահ կետերից մեկում:
Դրանից հետո զորքերի մարտունակությունը բարձրացվել էր «Չինդոգե-1» մակարդակի. նման մակարդակը կիրառվում է ԿԺԴՀ-ի տարածքի կողմից զինված ներխուժման վտանգի ժամանակ: Զինվորականները խուզարկություն են իրականացրել, «ԿԺԴՀ-ի կողմից ներխուժման սպառնալիքի ոչ մի նշան չհայտնաբերելով` տագնապը հանվել է» 09.20-ին, հաղորդում է «ՌԻԱ Նովոստին»:
«Ռոսբալտը» հայտնում է, որ այդ նոյն ժամանակ ԿԺԴՀ-ի ԱԳՆ-ն դիմել է ՄԱԿ-ի ԱԽ-ին: Կորեական թերակղզում «ծայրահեղ լարված իրավիճակ է ԱՄՆ-ի եւ Հարավային Կորեայի սադրիչ գործողությունների պատճառով», ասված է դիմումում:
Դիվանագետները նման գործողությունների շարքում թվել են ներկայումս անցկացվող ամերիա-հարավկորեական զորավարժությունները` B-52 կործանիչների գործադրմամբ:
Փհենյանում նշել են, որ ԱՄՆ-ի ռազմավարական հրթիռներն «այժմ ուղղված են ԿԺԴՀ-ի դեմ, իսկ միջուկային զենքով համալրված ամերիկյան ատոմային սուզանավերը գտնվոմ են Հարավային Կորեայի ափերի մոտ»:
«Կորեական թերակղզում միջուկային պատերազմի սպառնալիքն իրական է դարձել», - ասվում է փաստաթղթում:
