նախընտրելի դարձնել
«Հրապարակը» գրում է, թե ԱԺ նորանորոգ դահլիճը վերջին նիստերի ժամանակ վերածվել էր «Օսվենցիմի գազային կամերայի». օդ չկար շնչելու, օդափոխության համակարգը բացարձակ չէր աշխատում, պատգամավորները հերթով դուրս էին թռչում դահլիճից` միջանցքներում չխեղդվելու համար:
Աշնանային նստաշրջանի ժամանակ պատգամավորներն այլեւս չեն «թռչի»: Այս օրերին «դահլիճի սառեցման համակարգն ենք սարքում»,- տեղեկացրեց ԱԺ մեր աղբյուրը: «Նախկինը շատ հին էր` սովետական, 50 թվի: Չէր համապատասխանում արդիական չափանիշներին»:
Ի՞նչ միջոցների հաշվին եք նորոգում: «Համաշխարհային բանկը նվեր է տալու` «Չիլլեր» համակարգ»: Շատ մեծահոգի են ՀԲ-ում, ինչի՞ դիմաց: «Ոչ մի բանի»: Էդպես չի լինում: «Մեզ մոտ լինում է»,- հպարտացավ արձակուրդ գնացած Հովիկ Աբրահամյանի մտերիմը:
