նախընտրելի դարձնել
Հայաստանի ոստիկանությունը երեք հետախուզվողների է հայտնաբերել:
Ոստիկանության լրատվության վարչությունից հայտնում են, թե հուլիսի 23-ին, ժամը 22.00-ին, ոստիկանության Երեւան քաղաքի վարչության ծառայողները Բագրատունյաց փողոցի թիվ 18 շենքի մոտից Երեւան քաղաքի վարչություն են բերման ենթարկել 1953 թ. ծնված Կարապետ Թ.-ին, որը ս/թ հուլիսի 22-ից ոստիկանության Մալաթիայի բաժնի կողմից հետախուզվում էր գողության մեղադրանքով:
Հուլիսի 23-ին, ժամը 18.30-ին, ոստիկանության Երեւան քաղաքի վարչության ծառայողները Խանջյան փողոցի թիվ 5 շենքի մոտից Երեւան քաղաքի վարչություն են բերման ենթարկել 1991 թ. ծնված Անուշ Թ.-ին, որը ս/թ հունիսի 11-ից ոստիկանության Նոր Նորքի բաժնի կողմից հետախուզվում էր գողության մեղադրանքով:
Ոստիկանության Մարտունու բաժնի ծառայողների բացատրական աշխատանքների շնորհիվ, հուլիսի 23-ին, ժամը 19.00-ին, կամավոր ոստիկանություն է ներկայացել 1992 թ. ծնված Բենիկ Պ.-ն, որը ս/թ մայիսի 14-ից հետախուզվում է ՌԴ քր. օր. 158 հոդ. /գողություն/ 3-րդ մասի /Վ/ կետի մեղադրանքով:
