նախընտրելի դարձնել
Հուլիսի 25-ին Հայաստանի ԿԳՆ գիտության պետական կոմիտեի, ՀՀ գիտությունների ազգային ակադեմիայի եւ Ռելյատիվիստիկական աստղաֆիզիկայի միջազգային կենտրոնի (ICRANet) միջեւ, այսօր՝ հուլիսի 25-ին գիտության եւ կրթության ոլորտում համագործակցության մասին համաձայնագիր է ստորագրվել;:
ԿԳՆ գիտության պետական կոմիտեի մամուլի ծառայությունից հայտնում են, որ հայկական կողմից համաձայնագիրը ստորագրել է ՀՀ ԿԳՆ գիտության պետական կոմիտեի նախագահ Ս. Հարությունյանը եւ ՀՀ գիտությունների ազգային ակադեմիայի նախագահ Ռ. Մարտիրոսյանը, իսկ Ռելյատիվիստիկական աստղաֆիզիկայի միջազգային կենտրոնի կողմից՝ կենտրոնի տնօրեն Ռ. Ռուֆֆինին:
Համաձայն համաձայնագրի ՀՀ-ում բացվելու է Ռելյատիվիստիկական աստղաֆիզիկայի միջազգային կենտրոնի գրասենյակը՝ ICRANet-Yerevan կենտրոնը։ ICRANet-Yerevan կենտրոնը գործելու է ՀՀ գիտությունների ազգային ակադեմիայի կազմում, իրականացնելու է տեսական եւ դիտողական հետազոտություններ ռելյատիվիստական աստղաֆիզիկայի եւ կոսմոլոգիայի բնագավառներում, ինչպես
նաեւ աջակցելու է ՀՀ-ում ժամանակակից գիտական ենթակառուցվածքների ստեղծմանն ու զարգացմանը:
Համաձայնագրի շրջանակներում հատուկ ուշադրություն է դարձվելու
տարածաշրջանային գիտական կենտրոնների հետ համատեղ հետազոտությունների
խթանմանը: Կենտրոնը ICRANet-ի հետ միասին ներգրավված է լինելու հետբուհական եւ հետդոկտորական միջազգային ծրագրերի իրականացման գործընթացում, կազմակերպելու է գիտական դպրոցներ եւ գիտաժողովներ: Մասնավորապես, առաջին միջազգային գիտաժողովը եւ ամառային դպրոցը նախատեսվում է անցկացնել 2014թ. հունիս-հուլիս ամիսներին:
ICRANet-Yerevan կենտրոնի ֆինանսավորումը սկսվելու է 2014 թվականից:
