«Օնլայն Թիվի» ՍՊԸ-ի տնօրեն Ռեգինա Թովմասյանին մեղադրանք է առաջադրվել` իր կողմից ստեղծված տեղեկատվական, ժամանցային «www.online-tv.am»  կայքում հաճախորդների քանակը ավելացնելու նպատակով 2012թ. հոկտեմբերի 11-ին «Կատարյալ սեքս. Դիտեք բացառիկ ուսուցողական ֆիլմ» վերնագրով պոռնկագրական բնույթի տեսանյութ տեղադրելու համար, հաղորդում է «Փաստինֆո»-ն: 

Ըստ մեղադրական եզրակացության, դրա  արդյունքում այն տարածել է համացանցում` տեսանյութի բովանդակությանը «www.online-tv.am»  կայք հաճախող այլ անձանց հաղորդակից դարձնելու միջոցով:   30-ամյա  Ռեգինա Թովմասյանին մեղադրանք է առաջադրվել   ՀՀ քրեական օրենսգրքի 263-րդ հոդվածի առաջին մասով՝ Պոռնկագրական նյութեր կամ առարկաներ ապօրինի տարածելը, խափանման միջոց է ընտրվել  չհեռանալու մասին ստորագրությունը:    Գործը մակագրվել է Երևանի Կենտրոն և Նորք-Մարաշ վարչական շրջանների դատարանի դատավոր Մնացական Մարտիրոսյանին: