նախընտրելի դարձնել
Հայաստանի նախագահ Սերժ Սարգսյանն այսօր՝ սեպտեմբերի 4-ին, ընդունել է «Մաքքինզի ընդ Քոմփանի» ընկերության ներկայացուցիչներին՝ տնօրեն Անդրե Անդոնյանին եւ ավիացիայի գծով տնօրեն Ալեքս Դիխտերին եւ նրանց հետ քննարկել Հայաստանում օդային փոխադրումների ոլորտի բարեփոխումներին վերաբերող հարցեր:
Նախագահի մամուլի գրասենյակից հայտնում են, որ հանդիպմանը մասնակցել է նաեւ Հայաստանի ազգային մրցունակության հիմնադրամի հոգաբարձուների խորհրդի անդամ, գործարար Ռուբեն Վարդանյանը:
Զրուցակիցները քննարկել են Հայաստանում ավիացիայի բնագավառում պետական կարգավորմանը վերաբերող հարցեր, այդ ոլորտում ծառայությունների բարելավման համար անհրաժեշտ պայմանները, առկա խնդիրներն ու դրանց լուծման հնարավոր ուղիները: Հայաստանում մրցունակ եւ կայուն օդային փոխադրումների ապահովման նպատակով ծրագրի մշակման համար Հայաստանի ազգային մրցունակության հիմնադրամի հետ համաձայնագիր ստորագրած «Մաքքինզի ընդ Քոմփանի» ընկերության ներկայացուցիչները Հանրապետության նախագահին ներկայացրել են մինչ այժմ այդ ուղղությամբ իրենց իրականացրած աշխատանքի արդյունքները եւ առաջիկա անելիքները:
