նախընտրելի դարձնել
Ադրբեջանը քննարկում է Երեւանում կայանալիք Արեւելյան գործընկերության երկրների արտգործնախարարների նիստին իր մասնակցության հնարավորությունը:
Ադրբեջանի փոխարտգործնախարար Մահմուդ Մամեդգուլիեւը ԱՊԱ-ին հայտնել է, որ նիստը Արեւելյան գործընկերության Վիլնյուսի գագաթաժողովից առաջ կայանալիք վերջին հանդիպումը կդառնա: «Այդ պատճառով հնարավոր է՝ մասնակցենք, գագաթաժողովի նախապատրաստման հետ կապված»:
Հիշեցնենք, Արեւելյան գործընկերության երկրների արտգործնախարարների ոչ պաշտոնական նիստը Երեւանում կկայանա սեպտեմբերի 12-13-ին՝ Վիլնյուսի գագաթաժողովի նախօրեին: Այդ օրերին Երեւանում կկայան նաեւ Արեւելյան գործընկերության երկրների կրթության նախարարների հանդիպումը:
