Չինաստանում ոստիկանության հատուկ գործողության շնորհիվ հաջողվել է երեխաների առեւանգմամբ եւ առեւտրով զբաղվող ընդհատակյա հանցավոր ցանց չեզոքացնել:  92 երեխա ազատվել է, 300-ից ավելի կասկածյալներ ձերբակալվել են, հայտնում է Associated Press-ը:

Ոստիկանները երեխաների առեւտրով զբաղվողներին հետապնդում էին մոտ կես տարի: Հանցավոր ցանցը գործում էր  ՉԺՀ մի քանի նահանգներում՝ մի քանի ստորաբաժանումներով: «Կենդանի ապրանքը» ձեռք էին բերում Յունան եւ Սիչուան նահանգներում, հետո ուղարկում այլ նահանգներ, որտեղ էլ նրանց վաճառքով էին

զբաղվում, հայտնում է Russia Today-ը:

 Չինաստանում երեխաների առեւանգումն ու առեւտուրը լրջագույն խնդիր են դարձել:

Երկրում ամեն տարի հարյուրավոր, անգամ հազար երեխաներ են անհայտանում:  ՉԺՀ-ում ծնելիությունը կարգավորող խիստ օրենքներ են գործում:  Հանցախմբերը երեխաներ են գողանում եւ վաճառում անզավակ զույգերին: Սովորաբար Չինաստանում շատ են արու զավակ ցանկացողները, այդ պատճառով շուկայում նրանց գինը հասնում է մինչեւ 6 հազար դոլարի: Որոշ աղքատ ընտանիքներ իրենք են վաճառում երեխաներին՝ գոյատեւելու համար: