Ռուսաստանցի գեղանկարիչ Պավել Պավլենսկին, որը Կարմիր հրապարակում իր  ամորձապարկը մեխել էր  սալահատակին, ներգրավվել է խուլիգանության փաստով հարուցված  քրեական գործում:

Պավլենսկին, որը հայտնի է իր արտասովոր ակցիաներով, ամբողջությամբ մերկացել էր, նստել  Կարմիր հրապարակում եւ երկար մեխի օգնությամբ ամորձապարկը սալահատակին մեխել: Ակցիան տեւել էր մոտ 30 րոպե:

Նկարիչն իր ամորձապարկը մեխել է սալահատակին

Նրան ձերբակալել եւ հասցրել էին հիվանդանոց, որտեղ բուժօգնություն էին ցուցաբերել: Հիվանդանոցում մնալուց նկարիչը հրաժարվել էր:

Գեղանկարչին այդ ժամանակ ոչ մի մեղադրանք չէին ներկայացրել, եւ նա ազատ էր արձակվել:

Կարմիր հրապարակում ամորձապարկը մեխած նկարչին դատարանից հետ են տարել ոստիկանություն 

Տվյալ փաստի առթիվ հարուցվել է քրեական գործ՝ ՌԴ ՔՕ 213 (Խուլիգանություն) հոդվածով, կասկածյալը երկրից չբացակայելու ստորագրություն է տվել, Մոսկվայի ՆԳՆ ԳՎ-ի հաղորդագրությունն է փոխանցում  NEWSru.com-ը:

Սա գեղանկարչի կողմից  ինքնախարազանման եւ հանրային վայրում մերկ ներկայանալու առաջին դեպքը չէր: Pussy Riot-ի անդամների դատավճռից հետո նա կարել էր բերանը, մի քանի ամիս առաջ էլ Պետերբուրգի Օրենսդիր ժողովի շենքի մոտ հայտնվել էր ամբողջովին մերկ մարմնին փշալար պատած վիճակում:

Պետերբուրգում մերկ նկարիչը փշալարով ակցիա է իրականացրել