Վարչապետ Տիգրան Սարգսյանն ընդունել է Ռուսաստանի Դաշնության ժողովրդական արտիստ  Բորիս Էյֆմանին: Կառավարության ղեկավարը ողջունել է մեծանուն մշակութային գործչի գլխավորությամբ Սանկտ Պետերբուրգի բալետի պետական ակադեմիական թատրոնի երեւանյան հյուրախաղերի անցկացումը եւ վստահություն հայտնել, որ ներկայացումները կանցնեն մեծ հաջողությամբ: Կառավարության ղեկավարը հույս է հայտնել, որ Բորիս Էյֆմանի այցը մեր երկիր կնպաստի նաեւ բալետային արվեստի հետագա զարգացմանն ու համատեղ նոր ծրագրերի իրականացմանը:

ՌԴ ժողովրդական արտիստն իր հերթին նշել է, որ Հայաստանն ունեցել է եւ այսօր էլ ունի բալետի մեծ արտիստներ, ովքեր բարձր են պահում մեր երկրի պատիվը ողջ աշխարհում: Բորիս Էյֆմանը հույս է հայտնել, որ հետագայում կհաջողվի հայ գործընկերների հետ բերամադրել նոր ներկայացումներ:  

Այնուհետեւ Բորիս Էյֆմանը վարչապետին է ներկայացրել իր առաջիկա ծրագրերն ու նախագծերը: