նախընտրելի դարձնել
Մոսկվայի Մեշչանյան դատարանը Մեծ թատրոնի նախկին մենակատար Պավել Դմիտրիչենկոյին 6 տարվա տաժանակրության է դատապարտել՝ բալետի թատերախմբի գեղարվեստական ղեկավար Սերգեյ Ֆիլինի վրա հարձակում կազմակերպելու համար:
Եւս երկու դատապարտյալի՝ Յուրի Զարուցկիին եւ Անդրեյ Լիպատովին, դատարանը մեղավոր է ճանաչել: Որպես հանցագործության կատարող՝ Յուրի Զարուցկին դատապարտվել է տասը տարվա տաժանակրության, Անդրեյ Լիպատովը՝ չորս տարվա ազատազրկման:
Դատարանը նաեւ լիովին բավարարել է Սերգեյ Ֆիլինի՝ փոխհատուցման վերաբերյալ հայցը: Դատապարտյալները Սերգեյ Ֆիլինին պետք է վճարեն 3,5 միլիոն ռուբլու փոխհատուցում:
