ՌԴ Սմոլենսկի մարզի սեփական տներից մեկի բակում ծնողները 5-ամյա դստերը մահացած են գտել: Նա ծառից կախված է եղել: Տվյալ փաստի առթիվ  շրջանում ստուգում է անցկացվում:

Նախնական պարզվել է, որ 3-5 տարեկան երեք աղջնակներ բակում զբոսնելիս են եղել, մեծերից ոչ ոք նրանց մոտ չի եղել:  Երեխաներից տարիքով ավագը բարձրացել է խնձորի ծառը եւ, չկարողանալով իրեն պահել, ցած է ընկել: Երեխայի շարֆն ընկնելիս կառչել է ծառի ճյուղից, գրում է «ԵվրոՍՄԻ»-ն:

Երեխան շնչահեղձ է եղել: Ծնողները  չեն կարողացել օգնել, քանի որ ներսում են գտնվել՝ պատահածից անտեղյակ: Քննիչները ճշտում   են  դեպքի հանգամանքները: Ծնողների նկատմամբ կարող է քրեական գործ հարուցվել՝ մահվան հանգեցրած անզգուշության եւ ծնողական պարտքը պատշաճ կերպով չկատարելու համար:

Ժամանակին ամերիկացի հայտնի պարուհի Այսեդորա Դունկանն էլ Նիցցայում ողբերգական նույն ճակատագրին էր արժանացել.  շարֆի ծայրն ընկել էր ընթացքի մեջ գտնվող իր ավտոմեքենայի անիվի տակ եւ խեղդել նրան: