նախընտրելի դարձնել
Պուտինի համար Հայաստան չկա, կա Անդրկովկաս: Այս մասին այսօր դեկտեմբերի 4-ին հրավիրված ասուլիսին ասաց ԱԻՄ նախագահ Պարույր Հայրիկյանը:
Նա նշեց, որ Ռուսաստանը Վրաստանում եւ Ադրբեջանում զորք չունի: «Իսկ Պուտինը ինչ հայտարարեց՝ շատերը կարծում էին, որ մենք պետք է հեռանանք Անդրկովկասից , բայց մենք Անդրկովկասից, ոչ միայն չենք հեռանալու, այլեւ ավելացնելու ենք մեր ներկայությունը: Պա՞րզ չէ, որ խոսքը միայն Հայաստանի մասին է»,- նշեց Պարույր Հայրիկյանը եւ ավելացրեց, որ Ռուսաստանի բոլոր շովինիստների խնդիրն է եղել վերացնել Հայաստանը եւ թողնել առանց հայերի: Պարույր Հայրիկյանը դժգոհեց, որ հիմա էլ Պուտինը գալիս, պաշտոնապես ասում է, որ դուք հայ չեք , այլ անդրկովկասցի եք:
«Երկաթուղին էլ պատահական չէ կոչվում Հարավկովկասյան երկաթուղի: Ճորտերի ու հարճերի համար դա էական չէ, բայց Հայաստանում կա մի նոր սերունդ, որը, ճիշտ է, մեծ թափով չարձագանքեց, բայց առաջին օրվանից արձագանքեցին: Մանվանդ երիտասարդները, ում համար Հայաստանը եղել ու մնալու է Հայաստան, թե չէ վաղը կոչելու են Ռուսաստանի Հարավկովկասյան պրովինցիա, եթե այս տխմարները իրենց բթամտությունից չսթափվեն եւ չնախընտրեն ապրել որպես ազատ մարդ»,- ասաց Պարույր Հայրիկյանը:
Լուսանկարը՝ Արսեն Սարգսյանի/NEWS.am
