նախընտրելի դարձնել
Եգիպտոսում կալանավորվել է երկրի նախկին վարչապետ Քանդիլը, որը պաշտոնավարում էր Մուհամեդ Մուրսիի օրոք։
Նախկին վարչապետին տեղափոխել են Կահիրեի Թորա բանտ, որտեղ պահվում են «Մահմեդական եղբայրների» ղեկավարության բազմաթիվ անդամներ:
Դատավճիռը կայացվել էր այս տարվա ապրիլին: Դատարանը վճռել էր պաշտոնանկ անել կառավարության դեռ գործող ղեկավարին եւ նրան դատապարտել մեկ տարվա ազատազրկման ու տուգանքի՝ դատարանի որոշումները չկատարելու համար, հայտնում է ԻՏԱՌ-ՏԱՍՍ-ը՝ վկայակոչելով տեղի լրատվամիջոցները:
Գործը, որում ներգրավված է վարչապետը, կապված է Տանտա քաղաքում տեքստիլ ֆաբրիկայի ապիրինի սեփականաշնորհման հետ: Մեկ տարի առաջ դատարանը կառավարությանը պարտավորեցրել էր չեղյալ հայտարարել Կահիրեից հյուսիս գտնվող արտադրամասը սաուդյան գործարար Աբդալա ալ Կայակիին վաճառելու գործարքը եւ այն փոխանցել պետական վերահսկողությանը:
Սակայն վարչապետն այն ժամանակ հրաժարվել էր կատարել դատարանի որոշումը եւ չեղյալ հայտարարել սեփականաշնորհումը: Այն ժամանակ նրա նկատմամբ ոչ մի պատժամիջոց չէր կիրառվել: Մինչդեռ սեպտեմբերի 30-ին Կահիրեի վերաքննիչ դատարանն ուժի մեջ էր թողել նախկինում կայացված մեղադրական դատավճիռը, ի կատարումն որի նախկին վարչապետին կալանավորել են:
