նախընտրելի դարձնել«Դ!եմ եմ» քաղաքացիական նախաձեռնությունը իր առջեւ խնդիր է դրել պայքարել գործող «Կուտակային կենսաթոշակների մասին» օրենքի որոշ դրույթների, մասնավորապես՝ պարտադիր բաղադրիչի, դեմ, քանի որ այն բնորոշող բազմաթիվ նորմեր հակասոցիալական են, հակասահմանադրական են, սահմանափակում եւ խախտում են քաղաքացիների սահմանադրական իրավունքներն ու ազատությունները: Այս մասին հայտարարություն է տարածել «Դ!եմ եմ» քաղաքացիական նախաձեռնությունը՝ անդրադառնալով իրենց նախաձեռնության քաղաքականացվել-չքաղաքականացվելու խնդրին:
Հայտարարությունում նաեւ ասվում է.
«Քանի որ օրենքը շոշափում է սոցիալական քաղաքականության կարեւորագույն հարց, մեր առջեւ դրված է նպատակ՝ լուծելու սոցիալ-քաղաքական կաեւորագույն խնդիր՝ ի շահ ՀՀ քաղաքացու:
Այս իմաստով մենք, ուզենք, թե չուզենք, գտնվում ենք որոշակի քաղաքական հարթության մեջ: Բայց մենք չենք կարող քաղաքական հավակնություններ եւ նկրտումներ ունենալ այն պարզ պատճառով, որ մենք որեւէ կերպ չենք ձգտում քաղաքական իշխանության: Մենք ունենք խնդիր՝ լուծելու նշված սոցիալ-քաղաքական հարցը ի շահ մեզ՝ ՀՀ քաղաքացիներիս, ստիպելով ցանկացած՝ թե ներկա, թե ապագա, իշխանությանը պատասխանատու զգալ իրեն քաղաքացիների առաջ եւ իր գործողություններում առաջնորդվել բացառապես քաղաքացիների շահերով: Հենց այս դիրքորոշումն է եղել ի սկզբանե առանցքային, եւ շարունակում է մնալ այդպիսին, որի շուրջ համախմբվել են տարբեր ուժեր եւ կառույցներ: Եւ այս կոնտեքստում է, որ տեղի ունի համագործակցություն ցանկացած անհատի, ուժի, խմբակցության, քաղաքացիական նախաձեռնության հետ, քանի դեռ իրենք կիսում են մեր մտահոգությունները՝ տվյալ օրենքի նկատմամբ, ու համարում են իրենց նախ՝ ՀՀ ՔԱՂԱՔԱՑԻ, ապա՝ ունեն օրենքով չարգելված որեւէ այլ պատկանելություն:
Հուսով ենք, որ պարզաբանումը հստակ է, ուստի եւ վերջ կտրվի մեր դիրքորոշման շուրջ անհարկի մեկնաբանություններին»:
