նախընտրելի դարձնելՈւկրաինայի նախագահ Վիկտոր Յանուկովիչը զբաղեցրած պաշտոնից ազատել է Կիեւի քաղաքապետ Ալեքսանդր Պոպովին։ Այս մասին ասված է հունվարի 25-ի թիվ 45 հրամանագրում:
Նոր քաղաքապետ է նշանակվել Ուկրաինայի խորհրդարանի պատգամավոր Վլադիմիր Մակեենկոն:
48-ամյա Մակեենկոն Ռեգիոնների կուսակցության Գերագույն ռադայի պատգամավոր է եւ խորհրդարանի դատավարական հանձնաժողովի նախագահ:
Բացի դրանից, Յանուկովիչը տեղերով փոխել է նախագահի խորհրդական Անդրեյ Պորտնովին եւ աշխատակազմի ղեկավարի տեղակալ Իրինա Ակիմովային, հաղորդվում է նախագահի կայքում:
Ավելի վաղ Յանուկովիչն աշխատանքից հեռացրել էր իր աշխատակազմի ղեկավար Սերգեյ Լեւոչկինին` նրան նշանակելով իր խորհրդական: Աշխատակազմի ղեկավար է նշանակվել Անդրեյ Կլյուեւը: Յանուկովիչն ուրբաթ օրը աշխատանքից հեռացրել էր նաեւ Ուկրաինայի ԶՈՒ-ի ցամաքային զորքերի հրամանատար Գենադի Վորոբյովին:
Նշենք, որ հունվարի 24-ին նախագահը խոստացել էր պաշտոնանկ անել Պոպովին:
