նախընտրելի դարձնելՏասնյակ հազարավոր մարդիկ Փարիզում մասնակցել են «Ցասման օրվա» հակակառավարական ցույցին: Կազմակերպիչները պնդում են, որ ցուցարարների թիվը շուրջ 160 հազար էր, այնինչ, ոստիկանության տվյալով, ընդամենը 17 հազ. մարդ:
Բողոքների հիմնական մասն ուղղված է եղել սոցիալիստների կառավարությանը եւ նախագահ Ֆրանսուա Օլանդին: «Օլանդը հարկում է ամեն ինչ: Մենք այնքան ենք հոգնել դրանից: Հեյ, նախագահ, լսում ես ինձ, ժողովուրդն ապստամբել է, սա հեղափոխություն է», - լրագրողներին ասել է Բրետանում 2013թ. հիմնված «Կարմիր գլխարկներ» շարժման ակտիվիստներից մեկը:
«Այս իրադարձությունը բացառիկ է նրանով, որ համախմբվել են տարբեր տեսակետների տեր մարդիկ, որոնք տարատեսակ պատճառներով են ցասում արտահայտում», - հայտարարել է Բեատրիս Բուրժը`«Ֆրանսիական գարուն» շարժման մամուլի քարտուղարը, հայտնում է rbc,ru-ն` վկայակոչելով Reuters-ը: Այս մասին օրենքը սոցիալիսների կառավարությունն ընդունել է 2013-ի մայիսին` չնայած բազմամարդ ցույցերին:
Հաղորդվում է, որ ցուցարարների եւ ոստիկանության աշխատակիցների միջեւ բախումներ են սկսվել. գազազած ամբոխը հարձակվել է ոստիկանների վրա, երբ ցույցը սկսել են ցրել: Խռովությունների ընթացքում տարբեր ծանրության վնասվածքներ են ստացել 19 ոստիկաններ: Դիմակներով արմատական տրամադրված ցուցարարները ոստիկանների վրա շշեր եւ վառվող նյութեր են նետել:
Ըստ ոստիկանության` ձերբակալվել է «ցասման օրվա» 150 մասնակից: Ավելի վաղ ձերբակալվել էր զենքի արգելված տեսակներ կրելու մեջ մեղադրվող 12 մարդ, հայտնում է «ՌԻԱ Նովոստին»:
Ֆրանսիայի իշխանությունները մտադիր են հարկերի կտրուկ աճից հետո կայունացնել պարտադիր վճարների մակարդակը` ՀՆԱ-ի 46,1% -ից մինչեւ 45,8% աստիճանական նվազմամբ: Բացի դրանից, կառավարությունը պատրաստվում է արագացնել տնային տնտեսությունների հարկերի նվազեցումը: Նույն նպատակներով խոսակցություններ են տարվում նաեւ կառավարության եւ խոշոր ձեռնարկությունների միջեւ «պատասխանատվության դաշնագիր» կնքելու մասին:
