նախընտրելի դարձնելՊենտագոնը կասկածում է, թե 5-10 տարի անց Ասիական-խաղաղօվկիանոսյան տարածաշրջանում ամերիկյան ռազմատեխնիկական գերազանցությունը կպահպանվի: Այս մասին հայտարարել է ԱՄՆ-ի պաշտպանության փոխնախարար Ֆրանկ Քենդալը:
Ըստ նրա՝ տարածաշրջանում Չինաստանի ռազմատեխնիկական ներուժի աճին ի պատասխան ԱԽՏ-ում ԱՄՆ-ի ռազմական ներկայությունն ավելացնելու եւ զինված ուժերի արդիականացման վերաբերյալ նախապես տրված առաջադրանքը դժվար իրագործելի է:
Ըստ նրա՝ ՉԺՀ-ի զինված ուժերի ներուժը բավական բարձր մակարդակում է եւ շարունակում է աճել:
Ելույթում Քենդալը նշել է, որ Ասիական-խաղաղօվկիանոսյան տարածաշրջանում ամերիկյան ներկայության երկարաժամկետ ռազմավարություն մշակելն անհնար է՝ ելնելով պետության կողմից ֆինանսավորման երկարաժամկետ երաշխիքների բացակայությունից: Մասնավորապես, նա ընդգծել է ռազմական բյուջեի 50 մլրդ դոլարի պակասուրդը, հայտնումէ ԻՏԱՌ-ՏԱՍՍ-ը:
