նախընտրելի դարձնելՈստիկանության Ստեփանավանի բաժնում հունվարի 26-ին, ժամը 08.50-ին, ահազանգ է ստացվել, որ այրվում է Վարդաբլուրի գյուղապետարանի շենքը:
Ոստիկանության լրատվության վարչությունից հայտնում են, թե հրդեհը մարվել է նույն օրը, ժամը 09.45-ին` մարտական 1 հաշվարկի ուժերով:
Հունվարի 27-ին Լոռու մարզային հրդեհային եւ տեխնիկական անվտանգության տեսչությունից գրություն է ստացվել, որ գյուղապետարանին պատկանող շենքում առաջացած հրդեհի նյութական վնասի չափը կազմում է 500.000 դրամ:
Հանգամանքները պարզվում են:
ՀՀ ԱԻՆ Լոռու մարզի հրդեհային եւ տեխնիկական անվտանգության տեսչությունում նախապատրաստվում են նյութեր:
