նախընտրելի դարձնելԲրիտանական Նորթամբերլենդ կոմսությունում Քրեմլինգթոն քաղաքի ղեկավարությունը չի կարող գլխավոր հրապարակից հանել ամանորյա տոնածառը. Այն պահին, երբ աշխատակիցները եկել են քանդել կառույցը, պարզվել է, որ ծառի տերեւների մեջ սեւ կեռնեխը բույն է հյուսել ու ձվադրել այնտեղ:
Հստակ հայտնի չէ, թե երբ է թռչունը բույն դրել տոնածառի վրա, սակայն հաստատ հունվարի 6-ից հետո. այդ օրը ծառի վրայից հանել են լույսերը, իսկ այն ժամանակ բույն չի եղել: Այժմ, թեեւ տեղի բնակիչները դիմում են ղեկավարությանը պահանջելով մաքրել հրապարակը վաղուց անցած ամանորի խորհրդանիշից, անել դա հնարավոր չէ, հաղորդում է National Geographic-ը:
Մեծ Բրիտանիայում թռչունները, ինչպես նաեւ ֆաունայի մյուս ներկայացուցիչները պաշտպանված են օրենքով: Ուստի այժմ Քրեմլինգթոնում ամանորը «կշարունակվի» այնքան ժամանակ, մինչեւ թռչունները ձվից դուրս չգան ու բավարար չմեծանան՝բույնը լքելու համար:
Կախված կլիմայական գոտուց՝ թռչունը ձվադրում է մարտ-մայիս ամիսներին: Այս տարի անոմալ տաք եղանակի պատճառով փոխվում է թռչունների վարքագիծը՝ այդ թվում նաեւ զույգավորման շրջանում:
