Որբերին որդեգրելու ռուսական օրենքները պաշտոնապես լրացվել են  միասեռական ամուսնությունները թույլատրած երկրներին երեխաներ հանձնելու սահմանափակումներով, համապատասխան հրամանագիրը ստորագրել է ՌԴ վարչապետ Դմիտրի Մեդվեդեւը, փետրվարի 13-ին տեղեկացնում է կառավարության կայքը:

Որդեգրման մասին օրենքի փոփոխությունները հաստատվել էին կես տարի առաջ Պետդումայում ընդունված օրենքի զարգացումներում,  դեռ այն ժամանակ այն ընդգրկվել էր Ռուսաստանի Ընտանեկան օրենսգրքում, հայտնում է «ՌԻԱ Նովոստին»:

«Օրենքի իրագործումը կնպաստի առանց ծնողների խնամակալության մնացած երեխաներին` ՌԴ քաղաքացիների եւ օտարերկրացիների ընտանիքներում որդեգրման հանձնելու կարգի կատարելագործմանը, եւ կապահովի նման երեխաների իրավունքների եւ շահերի պաշտպանությունը», - փաստաթղթի հիմնավորան մեջ նշում է կառավարությունը։