նախընտրելի դարձնել
«GM-AVTOVAZ» համատեղ ընկերության նորույթի ներկայացումից առաջ, որը պետք է կայանա օգոստոսին՝ Մոսկվայի միջազգային ավտոցուցահանդեսում, ընկերությունը տարածել է երկրորդ սերնդի Chevrolet NIVA-ի առաջին պաշտոնական լուսանկարները:
Ապագա մեքենան նման է Chevrolet-ի շարքին, սակայն արտադրողները պնդում են, որ մեքենան կշարունակի մնալ իսկական NIVA: Այս մասին են խոսում թե մեքենայի արտաքին տեսքը, թե տեխնիկական նկարագիրը, հաղորդում է Informing-ը:
Մեքենայի արտաքինն առանձնանում է մեծ անվահեծերով (235/70/R16), all-train անվադողերով, շարժիչի եւ դիմային կամրջակի պաշտպանությամբ, պահեստային անվադողով, ինչպես նաեւ նոր լուսային հեծանով:
Ռուսական ամենագնացը զինված կլինի PSA Peugeot Citroen-ի 1.8 լիտր աշխատանքային ծավալ ունեցող շարժիչով:
Նորույթը շուկայում կհայտնվի 2016թ.-ից ոչ շուտ: Chevrolet NIVA-ի արտադրության փուլը նախատեսված է 2015թ. դեկտեմբերին:
