ՀՀ կրթության եւ գիտության նախարարի տեղակալ Մանուկ Մկրտչյանն ընդունել է աշխատանքային այցով Հայաստանում գտնվող Վրաստանի կրոնի հարցերով պետական գործակալության պատվիրակությանը, որոնք հետաքրքվել են Հայաստանի հանրակրթական դպրոցներում  «Հայ  եկեղեցու պատմություն» առարկայի դասավանդման, պետական ծրագրի ներդրման եւ չափորոշիչների մշակման  հայկական փորձով:

Նախարարի տեղակալ Մ. Մկրտչյանը, ներկայացնելով ՀՀ պետական կրթական ծրագրում «Հայ եկեղեցու պատմություն» առարկայի  ներդրման գործընթացը ՝ շեշտել է, որ առարկայի դասավանդումը ոչ թե կրոնի քարոզչություն է, այլ եկեղեցու՝ իբրեւ հայկական մշակույթի եւ հայ ժողովրդի պատմության անբաժանելի բաղադրիչի ուսուցում:

Հանդիպման ընթացքում քննարկվել են առարկայի դասավանդման մեթդական խնդիրների մշակմանն առնչվող  մի շարք մասնագիտական  հարցեր: