ՆախընտրելիՏավուշի մարզի Մեհրաբ զորամասում հուլիսի 27-ին մահացած պայմանագրային զինծառայող Արտակ Նազարյանի հոգեհանգիստը տեղի կունենա այսօր` հուլիսի 29-ին ժամը 17.30-ին, Հարավ-արեւմտյան թաղամաս, Բ-2 թաղամաս, Բաբաջանյան 129, բն. 31 հասցեով: Հուղարկավորության ժամը կհայտնվի լրացուցիչ:
Սոցիալական ցանցերում, մասնավորապես Facebook-ում մարդիկ կոչ են անում բոլորին մասնակցել հոգեհանգստին` որպես բողոքի նշան բանակում տիրող իրավիճակի:
Հիշեցնենք, որ հուլիսի 27-ին Տավուշի մարզի զինվորական դիրքերում ինքնաձիգի կրակոցից մահացել է 29-ամյա պայմանագրային զինծառայող, հենակետի ավագ Արտակ Նազարյանը: Թեեւ ՊՆ-ն հայտարարում է, որ նա ինքնասպան է եղել, սակայն հարազատները այդ վարկածին չեն հավատում, քանի որ Արտակի մարմնի վրա բռնության բազմաթիվ հետքեր են հայտնաբերվել: Արտակ Նազարյանը մեր գործընկեր, լրագրող Ծովինար Նազարյանի եղբայրն է:
