նախընտրելի դարձնել
«Հայոց լեզու» առարկայից ընդունելության միասնական քննություն հանձնած դիմորդների կեսից ավելին միջին միավոր է ստացել: Այս մասին NEWS.am-ին ասաց ԳԹԿ արտաքին համագործակցության բաժնի պետ Արա Իսպիրյանը՝ նշելով, որ քննություն է հանձնել 6600 դիմորդ, նրանց 63 տոկոսը միջին միավոր է ստացել՝ 13,9-ը:
Անբարար է ստացածների քանակը, Արա Իսպիրյանի խոսքով, նույնն է, ինչ որ նախորդ տարի՝ դիմորդների 7%-ը: Նախորդ տարվա համեմատ երկու անգամ պակասել է առավելագույն միավոր ստացածների թիվը. 20 միավոր է ստացել 76 դիմորդ՝ ընհանուրի 1.1 տոկոսը:
Արա Իսպիրյանի խոսքով՝ «Հայոց լեզվի» քննական թեստի վերաբերյալ ոչ մի բողոք առայժմ չեն ստացել:
Նշենք, որ դիմորդները ընդունելության միասնական քննություն են հանձնել «Կենսաբանություն», «Աշխարհագրություն», «Համաշխարհային պատմություն», «Հայոց լեզու», «Ֆիզիկա» առարկաներից:
