Թբիլիսում նախորդ օրը տեղի ունեցած ավերիչ ջրհեղեղի զոհերի հիշատակին այսօր՝ հունիսի15-ին, ՀՀ-ում Վրաստանի դեսպանատան մոտ մոմավառություն է  կազմակերպվել:

Քաղաքացիները 10-ից ավելի զոհերի հիշատակին մոմեր են վառել ու ծաղիկներ դրել դեսպանատան մուտքի մոտ: Նրանք նաեւ դեսպանատանը բացված սգո մատյանում իրենց ցավակցությունն են հայտնել հարեւան երկրի բնակիչներին աղետի կապակցությամբ:

Ավելի վաղ հայտնել էինք, որ հունիսի 14-ին  Թբիլիսիում աննախադեպ տեղատարափից հետո տեղի է ունեցել ջրհեղեղ: Նախնական տվյալներով՝ զոհվել է 13 մարդ, կա 16 անհետ կորած, ավելի քան 30 մարդ վիրավորվել է: Հեղեղվել էր նաեւ մայրաքաղաքի կենդանաբանական այգին, ինչի հետեւանքով տասնյակ կենդանիներ հայտնվել էին ազատության մեջ։

Թբիլիսիի կենդանաբանական այգու 600 կենդանիներից 300-ն է ողջ մնացել: Մնացածը կամ սատկել են տեղում, կամ փախուստի են դիմել վանդակներից եւ նրանց վնասազերծել են հատուկջոկատայինները:

Լուսանկարները՝ Արսեն Սարգսյանի /NEWS.am